रेक्याभिक, आइसल्यान्ड । गत साता सम्पन्न Reykjavík International Film Festival (RIFF) मा पोर्चुगलका विभिन्न चलचित्र तथा कलाकारलाई विशेष प्राथमिकता दिइएको छ।
फेस्टिभलमा चर्चित पोर्चुगिज अभिनेत्री मारिया डे मेडेइरोस र चलचित्र निर्देशक जोआओ पेड्रो रोड्रिग्स को विशेष सहभागिता रहेको थियो। कार्यक्रममा आइसल्यान्डका लागि पोर्चुगलकी मानार्थ कन्सुल मारिना मेन्डोन्सा पनि सहभागी भएकी थिइन्।
अभिनेत्री मारिया डे मेडेइरोसलाई चलचित्र क्षेत्रमा लामो समयदेखि पुर्याउँदै आएको योगदान तथा पोर्चुगिज र अन्तर्राष्ट्रिय सिनेमामा उनको योगदानको सम्मानस्वरूप “Outstanding Artistic Achievement” पुरस्कार प्रदान गरिएको थियो।
फेस्टिभलमा पोर्चुगिज संगीत समूह Fado Bicha र Reykjavik Queer Choir ले समेत प्रस्तुति दिएका थिए। उनीहरूको प्रस्तुतिले कार्यक्रमलाई संगीत, विविधता र सांस्कृतिक रंगले थप जीवन्त बनाएको थियो।
RIFF मा पोर्चुगलको सहभागिताले पोर्चुगल र आइसल्यान्डबीचको सांस्कृतिक सम्बन्धलाई थप मजबुत बनाउनुका साथै पोर्चुगिज कला, प्रतिभा र सिर्जनात्मक विविधताको प्रवर्द्धनमा योगदान पुर्याएको आयोजक पक्षले जनाएको छ।
