नेपाली कांग्रेसको १५औँ महाधिवेशनको मतगणना सम्पन्न भएपछि सभापतिमा निर्वाचित गगनकुमार थापाको सपथ ग्रहण तथा पदबहाली फूलपातीका दिन हुने भएको छ।
पार्टीको केन्द्रीय कार्यालयले दिएको जानकारीअनुसार दशैँको सातौँ दिन फूलपातीका अवसरमा अपराह्न २ बजे ललितपुरस्थित नेपाली कांग्रेसको केन्द्रीय कार्यालय, बीपी स्मृति भवन, बीपी नगरमा सपथ ग्रहण तथा पदबहाली कार्यक्रम आयोजना गरिनेछ।
उक्त समारोहमा सहभागी हुन उपत्यकामा रहेका पार्टीका नेता, कार्यकर्ता तथा सञ्चारकर्मीलाई केन्द्रीय कार्यालयले निमन्त्रणा गरेको छ।
पार्टीका कार्यवाहक मुख्यसचिव कृष्णप्रसाद दुलालले कार्यक्रमबारे जानकारी दिँदै समारोहमा उपस्थितिका लागि आग्रह गरेका छन्।
जय नेपाल!
