🇳🇵 स्पेनको कोस्टाब्लाङ्कामा प्रकाश सपुतको प्रस्तुतिसहित दसैँ कार्यक्रम सम्पन्न

स्पेन। स्पेनको कोस्टाब्लाङ्कास्थित बेनिडर्ममा लोकप्रिय गायक प्रकाश सपुतको सांगीतिक प्रस्तुतिसहित बडादसैँ शुभकामना आदानप्रदान कार्यक्रम भव्य रूपमा सम्पन्न भएको छ।

नेपाल समाज एसोसिएसन कोस्टाब्लाङ्का र गैरआवासीय नेपाली संघ (एनआरएनए) क्षेत्रीय समिति कोस्टाब्लाङ्काको संयुक्त आयोजनामा अक्टोबर २१, २०२६ मा होटल मारिनामा कार्यक्रम आयोजना गरिएको हो।

कार्यक्रममा प्रकाश सपुतले ‘गलबन्दी च्यातियो’, ‘तिम्रो मायाले मलाई’ लगायत चर्चित गीत प्रस्तुत गर्दा सहभागीहरू रमाएका थिए। स्थानीय कलाकारहरूको सांगीतिक तथा सांस्कृतिक प्रस्तुतिले पनि कार्यक्रमलाई थप आकर्षक बनाएको थियो।

नेपाल समाज एसोसिएसन कोस्टाब्लाङ्काका अध्यक्ष केसरबहादुर थापाको अध्यक्षतामा सम्पन्न कार्यक्रममा एनआरएनए स्पेनका वरिष्ठ उपाध्यक्ष सुरेन्द्र भुजेल थापा प्रमुख अतिथि तथा अनुसन्धानकर्ता डा. भोजविक्रम बुढामगर विशेष अतिथिका रूपमा सहभागी थिए।

कार्यक्रममा वक्ताहरूले विदेशमा नेपाली कला, संस्कृति, भाषा र परम्पराको संरक्षणसँगै नेपाली समुदायबीच आपसी एकता, सद्भाव र भाइचारा कायम गर्न यस्ता कार्यक्रमले महत्वपूर्ण भूमिका खेल्ने बताए।

कार्यक्रमले कोस्टाब्लाङ्कामा रहेका नेपालीहरूबीच भेटघाट, आत्मीयता र सांस्कृतिक एकतालाई थप मजबुत बनाएको आयोजकले जनाएको छ।

#NepaliCommunityInSpain #PrakashSaput #Badadashain2026 #NRNASpain