🇨🇾 साइप्रसमा ‘भान्से धमाका–३’ सम्पन्न, तमू समाजको सांस्कृतिक सहभागिता

साइप्रस। नेपाली सेफ सोसाइटी, साइप्रसद्वारा आयोजित दसैँ विशेष कार्यक्रम ‘भान्से धमाका–३’ मा तमू समाज, साइप्रसले सहभागिता जनाएको छ।

कार्यक्रममा तमू समाजका अध्यक्ष धनु गुरुङसहित समाजका सदस्यहरूको उपस्थिति तथा सांस्कृतिक प्रस्तुतिले कार्यक्रमलाई थप आकर्षक र उल्लासमय बनाएको आयोजकले जनाएको छ।

कार्यक्रममा चर्चित लोकदोहोरी गायक पशुपति शर्माको विशेष उपस्थिति तथा सांगीतिक प्रस्तुतिले नेपाली लोकसंगीतको रौनक थपेको थियो। उहाँलगायत अन्य कलाकारहरूको प्रस्तुतिले सहभागीहरूलाई मनोरञ्जन प्रदान गरेको थियो।

तमू समाज, साइप्रसले कार्यक्रममा सहभागी हुने अवसर प्रदान गरेकोमा नेपाली सेफ सोसाइटीप्रति आभार व्यक्त गर्दै प्रवासमा नेपाली भाषा, कला, संस्कृति र परम्पराको संरक्षण तथा नेपाली समुदायबीच आपसी एकता, सद्भाव र सहकार्यलाई मजबुत बनाउन यस्ता कार्यक्रम महत्वपूर्ण हुने जनाएको छ।

समाजले ‘भान्से धमाका–३’ को सफलताका लागि नेपाली सेफ सोसाइटीलाई बधाई दिँदै आगामी दिनमा पनि नेपाली संघसंस्थाबीच आपसी सहकार्य र भाइचारा अझ सुदृढ हुँदै जाने विश्वास व्यक्त गरेको छ।

#Cyprus #TamuSamajCyprus #NepaliChefSociety #PashupatiSharma #NepaliCulture